Ang Guryon
Ni: Ildefonso Santos
tanggapin mo anak
itong munting guryon
na yari sa patpat at papel de hapon
magandang laruan pula,puti,asul
na may pangalan mong sa gitna naroon
Ang hiling ko lamang bago paliparin
Ang guryon mong ito ay pakatimbangin
ang solo't paulo'y sukating magaling
nang hindi mag ikit o kaya'y magkiling
saka, pag umihip ang hangin ilabas
At sa papawiri'y bayaang lumipad
datapwat ang pisi'y tibayan mo,anak,
At baka lagutin ng hanging malakas.
Ibigin ma't hindi balang araw ikaw,
ay mapabubuyong makipagdagitan
Makipaglaban ka subalit tandaan
na ang nagwawagi ay ang pusong marangal
At kung ang guryon mo'y sakaling madaig
Matangay ng iba o kaya'y mapatid
Kung saka-sakaling di na mapabalik
Maawaing kamay nawa ang magkamit
Ang buhay ay guryon,marupok malikot
Dagiti't dumagi saan man sumuot
O,paliparin mo't ihalik sa Diyos
Bago pa tuluyang sa lupa'y sumubsob.
reflection:
Bago ako magsimula sa aking reflection magpapasalamat muna po ako sa wikianswer kung saan ko kinuha ang buod ng ang guryon maraming salamat po.
Ang tulang ang guryon ay ay nagbibigay ng aral sa atin tungkol sa mga pagdadaanan o haharapin natin sa ating bauhay buhay. Ginamit lamang ang bagay na guryon para ipaliwanag itro ng mas madali, kaya sa kuwentong ito masasabi kong marami akong natutunang aral sa buhay tulad ng pagiging matatag sa gitna ng pagsubok.
Walang komento:
Mag-post ng isang Komento